Fondite en 1908, la revuo de la Nordfrancia Federacio t.n. « Norda Gazeto » estas tute esperantlingva. Ĝin ricevas la federacianoj je ĉiu kvaronjaro.

La revuo informas vin pri la asocia vivo de la diversaj kluboj de la Federacio (precipe la asocioj-membroj), sed ankaŭ pri la esperantistaj novaĵoj regionaj, landaj kaj internaciaj. Ĝin pliriĉigas diversaj artikoloj, i.a. :

• lingva angulo, kiu pritraktas la lingvon Esperanto kaj ĝian vortprovizon ;
• Esperanto-movado sur la federacia teritorio ;
• historio de la Esperanto-movado ;
• agadaj raportoj ;
• rakontoj far federacianoj pri vojaĝoj, kongresoj, staĝoj, verkoj ;
• sed ankaŭ diversaj tekstoj verkitaj aŭ tradukitaj en Esperanto, poemoj, ludoj, humuraĵoj…

Kunigite kun ĉiu revua numero, « Suplemento por Komencantoj » prezentas facilajn tekstojn kun klarigo aŭ traduko de pluraj vortoj.

Ĉia artikola kontribuo bonvenas. Ne hezitu sendi al ni viajn tekstojn, ludojn, desegnaĵojn, ktp. por la revuo aŭ la suplemento. Dankon.

La redakcio konsistas el :

• s-ro Lucien BOURGOIS, ĉefredaktoro
• s-ro Jean-Marc FRATARD, enpaĝiganto kaj dissendanto, konstanta korespondanto por la klubo Valenciennes-Espéranto
• s-ro Richard VALET, redaktanto de la Suplemento por Komencantoj
• s-ro Xavier DEWIDEHEM, federacia prezidanto, eldona direktoro

Por plia informo, retleteru al :

nordagazetoesperanto-nord.org